ABŞ Senatındakı Demokratlar Partiyasının lideri Çak Şumer ABŞ prezidenti Co Baydenin Kiyevə dəstək də daxil olmaqla, əlavə vəsait ayrılması tələbi ilə bağlı səsvermənin təyin edilməsi barədə vəsatət qaldırıb. Elchi.az “C-SPAN” telekanalına istinadən xəbər verir ki, bu barədə Şumer dinləmə zamanı danışıb.
“Bir neçə dəqiqə əvvəl mən əlavə təhlükəsizlik tədbirləri haqqında qanun layihəsinin müzakirəsini bağlamaq üçün vəsatət verdim” – deyə o bildirib.
Senatın müəyyən edilmiş proseduruna görə, müzakirələr başa çatdıqdan sonra senatorlara qanun layihəsinə baxmaq üçün 30 saata qədər vaxt verilir, ondan sonra isə ona səsvermə aparılır.
Daha əvvəl bildirilib ki, ABŞ-ın Demokratik və Respublikaçı partiyaları prezident Co Baydenin Ukrayna, İsrail və digər ölkələr üçün əlavə maliyyə tələbini razılaşdırmaq üçün sərhədin təhlükəsizliyi və miqrasiya böhranı ilə mübarizə üzrə qanun layihəsinə baxılmasına dair razılığa gəlmək cəhdində danışıqlarda uğursuzluğa düçar olublar.
Havar Şəfiyeva
