İyulun 7-də ABŞ prezidenti Co Baydenin administrasiyası Ukraynaya kasetli sursatların daxil olacağı yeni hərbi yardım paketini açıqlayacaq. Elchi.az bu barədə “Politico”ya istinadən xəbər verir.
Mənbələrin məlumatına görə, yeni Kiyev dəstək paketinin ümumi dəyəri 800 milyon dollar təşkil edəcək, bura həmçinin onlarla Bradley və Stryker döyüş maşını, zenit-raket kompleksləri və minalardan təmizləmə texnikası daxil olacaq.
ABŞ rəsmiləri hesab edirlər ki, kaset sursatlarına üstünlük verəcək, çünki silah ehtiyatları azalır.
Daha əvvəl Pentaqonun sözçüsü Patrik Rayder bildirib ki, ABŞ Ukrayna üçün kasetli sursat seçiminə diqqətlə yanaşacaq. O, əmin edib ki, Amerika hakimiyyət orqanları partlamamış bombaların sayı az olan mərmilərə üstünlük verəcək.
Havar Şəfiyeva
