ABŞ hərbi kəşfiyyatının keçmiş zabiti Scott Ritter bildirib ki, NATO nəhəng qüvvə kimi reputasiyasını tamamilə itirib və Rusiya ilə birbaşa toqquşmadan sağ çıxa bilməyəcək. Elchi.az xəbər verir ki, o, bu barədə “YouTube” kanalı “Danny Haiphong”-a müsahibəsində danışıb.
Ritter NATO-nun etimadını itirdiyini vurğulayıb. Təşkilat müasir ordular və müasir texnika ilə dolu nəhəng bir ittifaq olması fikri ilə başlayıb. “Ancaq belə çıxır ki, bu silahlar zibildir və NATO ordusu yararsızdır”- deyə o bildirib.
Amerikalı keçmiş kəşfiyyatçı bundesverin deqradasiyasını da qeyd edib. Onun fikrincə, Almaniyanın sənaye potensialı Qərbin anti-Rusiya sanksiyalarına görə azalıb. Ona görə də indi almanlar öz ordusunu tankla təmin edə bilmirlər.
Qeyd edək ki, bundan əvvəl Ukrayna Silahlı Qüvvələrinin adı açıqlanmayan yüksək rütbəli zabiti Rusiyanın Ukraynanın hərbi sənayesini məhv etdiyini bildirib. İndi ölkə ABŞ, Böyük Britaniya, Aİ və Cənubi Koreyadan tədarükdən tamamilə asılıdır.
Havar Şəfiyeva
