ABŞ-ın baş prokuroru Erik Xolder Fransadakı son faciəvi olaylarla bağlı maraqlı açıqlama ilə çıxış edib. Musavat.com Rusiya informasiya qaynağına istinadən xəbər verir ki, baş prokuror “əl-Qaida” terror təşkilatının terror aktlarında əli olduğunu təsdiqləyən kifayət qədər dəlilin olmadığını söyləyib.“Hal-hazırda heç bir səhih informasiya yoxdur ki, biz onun əsasında hansı təşkilatın buna görə məsuliyyət daşıdığı haqda nəticəyə gələk”, – deyə o qeyd edib.
Az öncə Yəmən hökuməti Parisdəki hücumlarda AKAP-ın (Ərəbistan yarımadasındakı “əl-Qaida”) mümkün iştirakını araşdırmağa başlayıb.
Musavat.com



