ABŞ bu ilin oktyabrında keçiriləcək təlimdə iştirak etmək üçün Polşaya və Baltikyanı ölkələrə 600 hərbçi və ağır
artilleriya göndərməyə hazırlaşır. APA-nın “Stars and Stripes” portalına istinadən verdiyi xəbərə görə, bu barədə məlumat Pentaqon tərəfindən təsdiq olunub.
Bildirilir ki, Amerika hərbçiləri ABŞ-ın Şərqi Avropadakı müttəfiqlərinin silahlı qüvvələri ilə birlikdə təlimlərə qatılacaq, bu ölkələrin müdafiəsinin möhkəmlənməsinə dəstək verəcəklər.
Şərqi Avropaya göndərilən Amerika qoşunları “M-1 Abram” tankları, döyüş maşınları və zirehli transportyorlarla möhkəmləndiriləcək.
Bundan başqa, Polşadakı NATO missiyasına dəstək üçün ABŞ tərəfindən F-16 döyüş təyyarələrinin də göndərildiyi qeyd olunur.
