“ABŞ və onun müttəfiqləri Rusiyaya qarşı adi ticarət müharibəsi deyil, böyük iqtisadi müharibə aparır. Bu müharibənin məqsədi ölkədə hakimiyyət dəyişikliyinə nail olmaqdır”.
Modern.az Rusiaya KİV-nə istinadən xəbər verir ki, bu barədə ölkənin ən böyük banklarından sayılan VTB-nin sədri Andrey Kostin Davos İqtisadi Forumunda çıxışı zamanı danışıb.
“Düşünürəm ki, Qərbin məqsədi məhz budur. Sanksiyalar vasitəsilə narazılıq yaradaraq, rusların hökuməti, prezidenti onlara daha uyğun şəxsə dəyişməsini istəyirlər”.
Kostinin fikrincə, bu iqtisadi sanksiyalar müharibə elan olunmasına bənzəyir və Avropada müharibə riskini artırır. Kostin onu da bildirib ki, Rusiyanın ABŞ-dakı səfiri geri çağırılmalıdır.
