ABŞ prezidentinin milli təhlükəsizlik üzrə köməkçisinin müavini Conatan Fayner qapalı görüşlərdə bildirib ki, ABŞ prezidenti Co Bayden administrasiyasının Qəzza zolağındakı münaqişəyə yanaşmasında bir sıra səhvlər var.
Elchi.az xəbər verir ki, bu barədə The New York Times (NYT) yazır.
“Biz yaxşı bilirik ki, oktyabrın 7-dən bu böhrana necə reaksiya verdiyimizdə səhvlərə yol vermişik”, – deyə nəşr rəsminin sözlərindən sitat gətirir.
Fayner həmçinin İsrail hökumətinin Fələstin dövlətçiliyi istiqamətində “mənalı addımlar” atmaq istədiyinə şübhə etdiyini bildirib.
ABŞ administrasiyası hesab edir ki, Fələstin dövlətinin yaradılması üçün İsraillə Səudiyyə Ərəbistanı arasında rəsmi diplomatik əlaqələrin qurulması vacib olacaq. Bunun üçün Faynerə görə, hər iki ölkədən siyasi fədakarlıqlar lazım olacaq.
Nuranə Məmmədova
