ABŞ dövlət katibi Antoni Blinken Sudanda münaqişənin şiddətləndiyi üçün Xartum səfirliyində diplomatik əməliyyatları dayandırdıqlarını və bütün diplomatik personalı təxliyə etdiklərini açıqlayıb.
Elchi.az xəbər verir ki,Blinken verdiyi yazılı açıqlamada, “ABŞ Dövlət Departamenti Sudanın Xartum şəhərindəki səfirliyimizdəki fəaliyyəti müvəqqəti dayandırdığını və təhlükəsizliyi bizim məsuliyyətimizdə olan bütün ABŞ personalını və ailə üzvlərini təhlükəsiz şəkildə təxliyə etdiyini açıqlayıb.
Sudan Silahlı Qüvvələri ilə Çevik Dəstək Qüvvələri arasındakı qarşıdurmaların ciddi və artan təhlükəsizlik riskləri yaratdığı üçün bu qərarı verdiyini bildirən Blinken, aşağıdakı qiymətləndirmələri etdi:
“İrimiqyaslı münaqişələr mülki əhalinin ölümünə, yaralanmasına və infrastruktura ciddi ziyan vurub və səfirliyimizin əməkdaşları üçün qəbuledilməz risk yaradıb. Mən bu əməliyyatın həyata keçirilməsində səhra komandamızın, ABŞ hərbi qüvvələrinin və hökumətimizin digər elementlərinin bacarıq və peşəkarlığını yüksək qiymətləndirirəm”.
Blinken, Sudandakı amerikalılara öz təhlükəsizliklərini planlaşdırmaqda kömək etməyə davam edəcəklərini və mütəmadi olaraq bölgədəki ABŞ vətəndaşlarına məlumat verəcəklərini ifadə edib.
Sudandakı qarşıdurmaların tərəflərini Ramazan bayramı üçün atəşkəsi dərhal uzatmağa çağıran Blinken, tərəflərə beynəlxalq humanitar hüquq və mülki şəxslərin müdafiəsi ilə bağlı öhdəliklərini xatırlatdıqlarını qeyd edib.
Bu arada Dövlət Departamenti Sudan üçün yeni səyahət xəbərdarlığı edərək, ABŞ vətəndaşlarını bu ölkəyə səyahət etməməyə, orada qalan ABŞ vətəndaşlarını isə ölkəni tərk etməyə çağırıb.
Nuranə Məmmədova
