ABŞ prezidenti Barak Obama Səudiyyə Ərəbistanın kralı Salmanla Vaşinqtonda görüşü zamanı onu əmin edib ki, Amerika Tehranı cilovlayacaq və ona nüvə silahı əldə etməyə imkan verməyəcək. Musavat.com-un xarici KİV-ə istinadən verdiyi xəbərə görə, bu, Səudiyyə kralının ABŞ-a taxta çıxdıqdan sonra ilk səfəridir.
Görüşdə əsas müzakirə mövzusu İranın nüvə proqramından dolayı narahatlıqlar olub. Ər-Riyad əndişəlidir ki, İran Vyana anlaşması ilə sanksiyaların götürülməsi nəticəsində əldə elədiyi pulları regionda qarışıqlıq yaratmağa yönəldəcək.
Lakin Vaşinqtonda əmin ediblər ki, Tehran özünün iqtisadi durumunu nəzərə alaraq vəsaiti ilk növbədə iqtisadiyyatının inkişafına yönəldəcək. Ağ Evdən o da bildirilib ki, ABŞ və müttəfiqlərinin müdafiə büdcəsi İranın müdafiə büdcəsindən 8 dəfə çoxdur və sanksiyaların götürülməsi qüvvələr nisbətinə ciddi təsir etməyəcək.
