Amerika və Britaniya təyyarələri Yəmənin qərbində husilərin nəzarətində olan Hudeyda şəhərindəki hərbi-dəniz bazasına yeni zərbələr endirir. Elchi.az xəbər verir ki, bu barədə RİA Novosti yerli hakimiyyət orqanlarındakı mənbəyə istinadən məlumat yayıb.
“Al Mayadeen” telekanalı eyni şəhərin cənubunda partlayışların baş verdiyini bildirərək, hücumların yenidən başlandığını təsdiqləyib. Bu, bir gündə ölkədəki hərbi bazalara ikinci hücumdur.
Qeyd edək ki, yanvarın 12-nə keçən gecə ABŞ və Böyük Britaniya İran tərəfindən dəstəklənən Ənsar Allah hərəkatının hədəflərinə hücum edib. Şənbə günü səhər təyyarələr Yəmənin paytaxtı Səna hava limanı yaxınlığındakı Əd-Dleymi hərbi bazasına hücum edib.
Havar Şəfiyeva
