ABŞ və Cənubi Koreyanın “müttəfiqliyini gücləndirmək” məqsədilə ABŞ Hərbi Hava Qüvvələrinin 8-ci Qırıcı Qanadının iştirakı ilə birgə uçuş təlimi başlayıb.
Elchi.az xəbər verir ki, Cənubi Koreyadakı Kunsan Hərbi Hava Bazasının internet saytında verilən məlumata görə, “Vigilant Defense 24” adlı birgə uçuş təlimi bu il Cənubi Koreyada ABŞ-ın 7-ci Hərbi Hava Qüvvələri tərəfindən keçirilib.
Təlimin məqsədi iki ölkənin “müttəfiqliyini gücləndirmək”dir. Bu çərçivədə 8-ci Qırıcı Qanaddan 14 hava eskadronu və 2600 şəxsi heyətin iştirakı ilə bölməyə aid 40 ədəd F-16-dan Koreya yarımadasında “sorti uçuşlara hazır olmaq” tələb olunub.
Bu uçuşlar zamanı sözügedən təyyarə ABŞ, Cənubi Koreya və Avstraliya Hərbi Hava Qüvvələrinin qırıcı, yük, tanker və kəşfiyyat təyyarələri ilə inteqrasiya olunacaq.
8-ci Qırıcı Qanad komandirinin müavini polkovnik Ceffri Şulman qeyd edib ki, hava qüvvələri “müdafiə, qarşısını almaq və lazım gələrsə, məğlub olmaq üçün daim diqqətini missiyaya yönəltmək üçün məşq edir”.
Hər il mütəmadi olaraq keçirilən sözügedən təlimlərin “sırf müdafiə məqsədilə” olduğu bildirilsə də, təlimlərin “digər ölkələr üçün təhlükə yaratmadığı və təxribat xarakterli olmadığı” da bildirilib.
Rəsmilər bildiriblər ki, təlimlər regionda “sülhün, sabitliyin və rifahın qorunmasına sadiqliklərini açıq şəkildə nümayiş etdirir”.
Şayəstə Hüseynova
