Amerika polisləri ABŞ və Meksika sərhədində uzunluğu 380 metr olan tuneli aşkar ediblər.
Publika.az xarici mediaya istinadən xəbər verir ki, Kaliforniyanın Kaleksiko şəhərindəki evlərdən birindən başlanan tunel Meksikada ABŞ-la sərhəddə yerləşən bir restoranda qurtarır.
Hüquq mühafizə orqanlarının məlumatına görə, tunel cari ilin fevral ayının sonunda istifadə olunmağa başlanıb. Tuneldə axtarışlar zamanı 612 kiloqram marixuana götürülüb. Onun dəyəri 6 milyon dollar qiymətləndirilir.
Xüsusi əməliyyat zamanı polis əməkdaşları iki kişini – Coel Duarte Medina və Manuel Qaleqos Ximinesi saxlayıblar. Daha sonra cinayətdə iştirakda şübhəli bilinən iki qadın – Marsiya Manuel Duarte Medina və onun anası Eva Duarte Medina saxlanılıb. Onlar həbs ediliblər.
