ABŞ Dövlət Departamentinin sözçüsü Ned Prays Venesuela müxalifətinin müvəqqəti hökuməti buraxmaq üzrə son addımına baxmayaraq, hələ də prezident Nikolas Maduronu “Venesuellanın qanuni lideri” kimi görmədiyini bildirib.
Elchi.az-ın xarici mediaya istinadən xəbərinə görə, gündəlik mətbuat konfransında Venesuela müxalifətinin qurduğu müvəqqəti hökumətin buraxılmasını şərh edən Prays, “Biz Venesuelada demokratik yolla seçilmiş qurumu tanımağa davam edirik və bu, 2015-ci il Milli Assambleyasıdır”-sözlərini qeyd edib.
“Azad və ədalətli seçkilər yolu ilə demokratiyanın dinc şəkildə bərpası istəyini”- dəstəklədiklərini ifadə edən Prays, Maduro rəhbərliyinə qarşı sanksiyaları davam etdirəcəklərini bildirib.
ABŞ-ın hələ də Xuan Quaydonu Venesuelanın qanuni prezidenti kimi tanıyıb-tanımaması ilə bağlı suala Prays belə cavab verib:
“Xuan Quaydo hələ də Milli Assambleyanın üzvüdür və 2015-ci il Milli Assambleyasının üzvü kimi Venesuela xalqının demokratik istəklərini dəstəkləyir, o və digər Venesueladakı həmfikir demokratik liderləri bizlərlə koordinasiya etməyə davam edəcəyik.”
Venesuela müxalifəti dekabrın 30-da ABŞ da daxil olmaqla bir çox ölkə tərəfindən tanınan Xuan Quaydonun rəhbərlik etdiyi müvəqqəti hökumətin buraxılması üçün səs verib.
Prezident Maduro sanksiyalara baxmayaraq, ABŞ ilə münasibətləri normallaşdırmaq üçün işləməyə hazır olduğunu bildirib.
Maduro 2019-cu ildə o vaxtkı prezident Donald Tramp administrasiyası Quaidonu Venesuelanın müvəqqəti prezidenti kimi tanıyanda Vaşinqtonla əlaqələri kəsmişdi.
Yeganə
