Bu ilin yanvar ayında Xəzərin Azərbaycan sektorunda yerləşən “Azəri-Çıraq-Günəşli” (AÇG) neft-qaz yatağları blokunda 1,8 mln. ton neft hasil edilib.
Energetika Nazirliyindən verilən məlumata görə, hesabat dövründə “Şahdəniz” qaz-kondensat yatağından 0,4 mln. ton qaz kondensatı hasil edilib.
Məlumata görə, yanvarda SOCAR üzrə neft (kondensatla birlikdə) hasilatı 0,7 mln. ton təşkil edib.
Cəmi hesabat dövründə Azərbaycanda təxminən 2,9 mln. ton neft (kondensatla birlikdə) hasil edilib.
Yanvarda təxminən 2,3 mln. ton neft (kondensatla birlikdə) ixraca nəql olunub. Bunun 2,2 mln. tondan çoxu AÇG və “Şahdəniz”in, 79,8 min tonu isə SOCAR-ın payına düşüb.
Ölkədə neftin emalı 2022-ci ilin yanvar ayında 583 min ton təşkil edib.
