“Ramil Səfərovun Azərbaycana qaytarılması Ermənistanın məğlubiyyəti idi”.
Bu sözləri erməni siyasi şərhçi Akop Badalyan deyib.
Erməni diversantı Karen Petrosyanın ölümünə münasibət bildirən erməni şərhçi Ermənistanın məğlubiyyətinin əslində 3 il öncə – Ramil Səfərovun azad olunması ilə başladığını deyib.
“Bu müddət ərzində Ermənistan Xarici İşlər Nazirliyi nə işlə məşğul olub? Xarici siyasət idarəsində işləyənlərin atdığı addımlar Ramil Səfərov məsələsinə adekvat idimi? Azərbaycana qarşı heç bir ciddi diplomatik hücum edilmədi, ya da bunu bacarmadılar. Bu müddət ərzində bizi bir sual düşündürür: Biz məğlub olduqmu? Hərçənd son hadisələr fonunda “bəli” cavabı daha da qətiləşir. Bundan sonra da Macarıstan səfirliyinə yumurta və pomidor atmaq olar. Çünki əlimizdən başqa heç nə gəlmir”.
