Almaniyanın transmilli korporasiyası “Adidas” törəmə bölməsi olan “Reebok”u ABŞ-ın “Authentic Brands Group”a (ABG) satışını yekunlaşdırıb.
Sövdələşmənin məbləği 2,1 mlrd. avro təşkil edib. Lakin qeyd edilir ki, bəzi bazarlarda “Adidas” keçid dövründə ABG adından biznes fəaliyyətini davam etdirəcək və artıq bundan sonra “Reebok” ABG-nin fəaliyyət göstərən tərəfdaşlarına tam keçəcək.
Eyni zamanda, Almaniya şirkəti “Reebok”un satışından əldə olunan gəliri öz səhmdarlarına qaytarmaq üçün yeni səhmlərin geri alınması proqramına başlayacaq. Mart ayından başlayaraq şirkət bu ilin III rübünədək öz səhmlərinin 1,5 mlrd. avroya qədər olan həcmini geri almaq niyyətindədir.
Qeyd edək ki, “Adidas” “Reebok”u 2006-cı ildə alıb.
