Vaşinqtonda avtomobil Ağ Evin darvazasına çırpılıb. Elchi.az xəbər verir ki, bu barədə ABŞ Məxfi Xidmətinin rəsmi nümayəndəsi Entoni Quqlielmi “X” sosial şəbəkəsində məlumat verib.
Onun sözlərinə görə, hadisə yanvarın 8-də axşam saat 18:00 radələrində baş verib. Avtomobil Ağ Ev kompleksinin xarici darvazasına çırpılıb. Quqlielmi qeyd edib ki, sürücü saxlanılıb. Hazırda polis qəzanın hansı səbəbdən baş verdiyini öyrənməyə çalışır.
Qeyd edək ki, Ağ Evin yaxınlığında avtomobilin hasara çırpılması ilk dəfə deyil. 2023-cü ilin may ayında yük maşını Ağ Evin qarşısındakı Lafayette Meydanı ətrafındakı təhlükəsizlik baryerlərinə çırpılıb.
Havar Şəfiyeva
