“Bu gün Azərbaycan əlillik sahəsində bir çox Avropa ölkələrinin qarşılaşdığı çətinliklərlə üzləşir. Təbii ki, Azərbaycanda sosial siyasətin tətbiqi bu çətinliklərin aradan qaldırılmasına xidmət edir”.
Elchi.az xəbər verir ki, bunu Avropa İttifaqının (Aİ) Azərbaycandakı Nümayəndəliyinin rəhbəri Peter Mixalko “Azərbaycanda əlilliyi olan şəxslərin reabilitasiyası sistemində islahatlara dəstək” texniki yardım layihəsinin təqdimatı zamanı deyib.
Səfirin sözlərinə görə, işğaldan azad edilən ərazilərdə minalardan təmizləmə işləri davam etdirilir və bundan sonra da davam etdiriləcək:
“Minaların partlaması nəticəsində əlillik qazanmış şəxslərin reabilitasiyasında da yaxından iştirak edəcəyik”.
