Avropa Birliyinin Xarici Əlaqələr və Təhlükəsizlik Siyasəti üzrə Ali Nümayəndəsi Josep Borrell, “Biz Rusiyanı, Kremlin Ukrayna tərəfindən edildiyini söylədiyi sözdə pilotsuz təyyarə hücumundan müharibəni qızışdırmaq üçün bəhanə kimi istifadə etməməyə çağırırıq” dedi.
Elchi.az xəbər verir ki,Avropa İttifaqının (Aİ) Xarici Əlaqələr və Təhlükəsizlik Siyasəti üzrə Ali Nümayəndəsi Josep Borrell, Aİ ölkələrinin inkişaf nazirlərinin görüşündən əvvəl Ukraynanın Rusiya prezidenti Vladimir Putinin Kremldəki iqamətgahına pilotsuz təyyarə ilə hücuma cəhd etməsi xəbəri ilə bağlı açıqlama verib.
Ukrayna prezidenti Vladimir Zelenskinin ölkəsinin bu hücumlarla heç bir əlaqəsi olmadığını açıq şəkildə ifadə etdiyini deyən Borrell, Ukraynanın Rusiyaya qarşı özünü müdafiə etdiyini və Rusiya ərazisinə hücum etmədiyini bildirib.
Borrell dedi:
“Biz Rusiyanı bu qondarma hücumdan müharibəni qızışdırmaq üçün bəhanə kimi istifadə etməməyə çağırırıq. Bizi narahat edən odur ki, bundan daha çox insanın hərbi xidmətə cəlb edilməsinə, daha çox qoşun yeridilməsinə, Ukraynaya daha çox hücuma haqq qazandırmaq üçün istifadə oluna bilər”.
Aİ-nin ali nümayəndəsi Aİ-nin Ukraynaya dəstəyini davam etdirəcəyini vurğulayıb.
Nuranə Məmmədova
