Avropa İttifaqının xarici işlər nazirləri Ukraynaya silahlanmaya yeni pul ayrılmasını müzakirə ediblər. Elchi.az TASS-a istinadən xəbər verir ki, bu barədə Macarıstanın xarici işlər və xarici iqtisadi əlaqələr naziri Peter Siyarto bildirib.
“Biz Avropa Komissiyasının Ukrayna üçün təhlükəsizlik təminatlarından, o cümlədən növbəti dörd il ərzində ona ümumilikdə 20 milyard avro verilməsindən bəhs edən sənədini müzakirə etdik. Bu, Aİ ölkələrinin Ukraynaya əlavə silah tədarükünə xərcləmək istədikləri böyük məbləğdir”, – nazir bildirib.
Qeyd olunur ki, sənədi Aİ-nin xarici işlər və təhlükəsizlik siyasəti üzrə ali nümayəndəsi Xosep Borrell hazırlayıb. Mətn Ukrayna üçün təhlükəsizlik təminatlarına diqqət yetirir.
Havar Şəfiyeva
