Aİ Ukraynanın Aİ-yə üzvlük ərizəsi ilə bağlı danışıqlara 2023-cü il dekabrın ortalarında başlamalıdır. Elchi.az “Politico”ya istinadən xəbər verir ki, bunu Avropa Parlamentinin prezidenti Roberta Metsola istəyib.
“Ukraynanın islahat səyləri, xüsusən də müharibə dövründə qeyri-adi olub. Əgər bu meyarlar kifayət qədər yerinə yetirilibsə, biz cavab verməliyik”.
Bundan əvvəl Ukrayna prezidenti Vladimir Zelenski Aİ ölkələrinin liderləri qarşısında çıxışı zamanı qeyd etmişdi ki, Ukrayna hakimiyyəti yaxın altı ayda ölkənin Aİ-yə daxil olması ilə bağlı danışıqlara başlamağa ümid edir. O vurğulayıb ki, Ukraynanın Avropa Komissiyasının tövsiyələrini yerinə yetirməkdə irəliləyişləri qeydə alınmalıdır.
Havar Şəfiyeva
