Avropa Komissiyasının (AK) sözçüsü Tim Makfi bildirib ki, Avropa İttifaqı Rusiyanın qaz rəqibi olan Azərbaycanla bloka tədarükün artırılması ilə bağlı razılığa gəlib.
Elchi.az xəbər verir ki, onun sözlərini “İnterfaks” yayıb.
“Hazırda Azərbaycanla qaz tədarükünü artırmaq və bərpa olunan mənbələr də daxil olmaqla, gələcək üçün enerji tərəfdaşlığı qurmaq üçün anlaşma memorandumu mövcuddur”, – Makfi bildirib.
Onun sözlərinə görə, 2021-ci ildə Aİ 8,1 milyard kubmetr, 2022-ci ildə isə 11,3 milyard kubmetr Azərbaycan qazı idxal edib. Gələcəkdə Aİ alışı 20 milyard kubmetrə qədər artırmaq qərarına gəlib – belə rəqəmlər memorandumda qeyd olunub, AK mətbuat katibi əlavə edib.
Nuranə Məmmədova
