Kəməri ilə özünü boğaraq intihar etdiyi iddia olunan aktyor Robin Uilyams haqqında hər gün yeni bir
məlumat ortaya çıxır.
Axar.az xəbər verir ki, intihar etdiyi iddia olunan əfsanəvi aktyorun həyat yoldaşı Susan Şnayderin o gecə ayrı otaqda yatdığı və gecə 00:30-da Uilyamsın başqa otağa gedərək qapını içəridən kilidlədiyi məlum olub.
Səhəri gün aktyorun cəsədi assistentinin şübhələnərək qapını qırmasından sonra tapılıb. Verilən məlumata görə, Uilyamsın bədəni masada oturaq halda tapılıb və boğazına keçirilmiş kəmərin bir ucu qapıya bağlanmış olub. Aktyorun sol biləyində kəsiklər olub. Yanında isə üzərində qurumuş qana bənzəyən ləkələr düşmüş bıçaq tapılıb. Bu da aktyorun əvvəl biləklərini kəsərək ölməyə çalışdığı iddiasını ortaya çıxarır.
Ancaq bölgə polis idarəsindən leytenant Keit Bodi Uilyamsın ölüm səbəbinə dair son qərarın şahidlərin ifadəsi və aparılmış analizlərdən alınacaq nəticələrin qiymətləndirilməsindən sonra veriləcəyini deyib.
İnanılmaz təsadüf
Uilyamsın öldüyünün rəsmi elan edilməsindən bir neçə dəqiqə əvvəl BBC kanalında yayımlanan “Family Guy” adlı cizgi serialında animasiya xarakteri olaraq oynadılan Robin Uilyamsın intihara cəhd etdiyi, ancaq bu cəhdin uğursuz olduğu göstərilibmiş.
