Bu gün ali təhsil müəssisələrinin I-V ixtisas qruplarının və tam orta təhsil bazasında orta ixtisas təhsili müəssisələrinə sənəd qəbulu başa çatacaq.

Elchi.az-ın xəbərinə görə, martın 16-dan başlayan sənəd qəbulu bu gün saat 23:59-dək davam edəcək.
Bu gün saat 10:30-dək 66 564 abituriyent (60080-i Azərbaycan, 6484-ü Rus bölməsinin məzunu) I-IV ixtisas qruplarının və tam orta təhsil bazasında orta ixtisas təhsili müəssisələrinin ixtisaslarını seçərək qeydiyyatdan keçib. Onlardan 26016-sı  (23562-si Azərbaycan, 2454-ü Rus bölməsinin məzunu) I, 18810-u (16640-ı Azərbaycan, 2170-i Rus) II, 17029-u (15722-si Azərbaycan, 1307-si Rus) III, 4709-u (4156-sı Azərbaycan, 553-ü Rus) isə IV ixtisas qrupları üzrə sənəd verib.

Bu saata kimi qeydiyyatdan keçən 66564 abituriyentdən 62785-i qəbul imtahanının I mərhələsində (yaz imtahanında) iştirak edəcək.

Saat 10:00-dək 31926 abituriyent V ixtisas qrupuna, 33069-u isə tam orta ixtisas təhsili müəssisəılərinə qəbul olmaq üçün sənəd verib.

Elchi.az