Almaniyanın xarici işlər naziri Annalena Barbok Azərbaycanı Qarabağda hərbi əməliyyatları dayandırmağa və danışıqlar masası arxasına oturmağa çağırıb. Elchi.az xəbər verir ki, bu barədə TASS məlumat yayıb.
Baerbok BMT Baş Assambleyasının Nyu-Yorkda keçirilən 78-ci sessiyası çərçivəsində deyib: “Azərbaycan dərhal atəşi dayandırmalı və danışıqlar masasına qayıtmalıdır”.
Almaniyanın xarici işlər naziri bildirib ki, Almaniya hökuməti Avropa İttifaqının rəhbərlik etdiyi danışıqları dəstəkləyir. Son bir neçə gündə Aİ ilə ABŞ, Ermənistan və Azərbaycan arasında vəziyyətin deeskalasiyası ilə bağlı intensiv müzakirələr aparılıb.
Havar Şəfiyeva
