Almaniya iqtisadiyyatı bu qış tənəzzüllə üzləşə bilər və payızda ölkədə inflyasiyanın ikirəqəmli səviyyəyə çatma ehtimalı var.
Elchi.az xəbər verir ki, bunu Almaniya Mərkəzi Bankının (“Bundesbank”) rəhbəri Yoahim Nagel “Rheinische Post” qəzetinə müsahibəsində bildirib.
Onun sözlərinə görə, tənəzzül enerji böhranı kəskinləşəcəyi təqdirdə baş verəcək. Nagel Almaniyada inflyasiyanın 10%-i keçə biləcəyinə əmindir.
“Bundesbank”ın rəhbəri, eyni zamanda əlavə edib ki, Almaniya hökumətinin yüksək inflyasiyanın nəticələrini azaltmaq üçün gördüyü tədbirlər, o cümlədən benzinə endirim tədricən ləğv edilir.
