Almaniya iqtisadiyyatı 2019-cu ildə pandemiya dövründən bu yana bərpa oluna bilməyib. Bu ilin üçüncü rübündə daralan Almaniya iqtisadiyyatının ixrac rəqəmləri də azalmaqdadır. Mütəxəssislər bildirirlər ki, ilin sonuna kimi bərpa gözlənilmir.
Elchi.az xəbər verir ki, Almaniya iqtisadiyyatı yay aylarında tənəzzülə uğrayıb.
Ölkənin ÜDM-i 2023-cü ilin üçüncü rübündə ötən ilin müvafiq dövrü ilə müqayisədə 0,3 faiz azalıb.
Almaniya iqtisadiyyatının üçüncü rübdə daralmasının əsas səbəbi yüksək inflyasiya və faiz dərəcələrinin şəxsi istehlakı yavaşlatması olub.
Sentyabr ayında Almaniyanın ixracı da kəskin şəkildə azalıb. Federal Statistika İdarəsinin açıqlamasına görə, ixrac əvvəlki aya görə yüzdə 2,4 azalaraq 126,5 milyard avroya düşüb.
Ekspertlər bildirirlər ki, Xarici Ticarət çətin ki, tezliklə Almaniya iqtisadiyyatı üçün zəruri iqtisadi sürücüyə çevrilsin.
Bir çox sənayeləşmiş ölkələrdə faiz dərəcələrinin inflyasiya qarşısında kəskin artması “Almaniya istehsalı” məhsullarının alınması üçün maliyyələşməni xeyli bahalaşdırıb.
Oktyabrın 11-də hökumət bu il üçün əvvəllər 0,4 faiz elan edilən rəsmi artım gözləntisini qlobal iqtisadiyyatdakı durğunluq səbəbindən mənfi 0,4 faizə qədər yeniləyib.
Beynəlxalq Valyuta Fondu (BVF) Almaniyanın bu il azalan yeganə inkişaf etmiş ölkə olacağını açıqlayıb və artım gözləntisini mənfi 0,3 faizdən mənfi 0,5 faizə endirib.
Şayəstə Hüseynova
