Almaniya prezidenti Frank-Valter Ştaynmayer görüş üçün Dohaya gəldiyi Qətər əmirini təxminən yarım saat təyyarənin enişində gözləyib.
Elchi.az Reuters.com-a istinadən xəbər verir ki, bu barədə Almaniyanln “Bild” qəzeti məlumat yayıb.
Qəzetin məlumatına görə, Ştaynmayer Qətər əmiri Şeyx Təmim bin Həməd Al Tani ilə görüşmək və danışıqlar aparmaq üçün çərşənbə günü səhər Dohaya gəlib. “Əmir yəqin ki, yerə enəndən sonra Ştaynmayeri qəbul etməyə hazır deyildi”, – deyə qəzet yazır və prezidentin narazı sifəti və qollarını qovuşduraraq şeyxi gözlədiyini qeyd edir. Qəzet qeyd edib ki, alman tərəfinin sorğusuna cavab olaraq, prezident vaxt öldürmək üçün hava limanında çay içməli olub.
“Bild” qeyd edib ki, Qətər əmiri israilli girovların azad edilməsi üçün HƏMAS ilə danışıqlarda mühüm vasitəçi kimi çıxış edir.
Yeganə
