“Bild” nəşriyyatının məlumatına görə, palentoloqlar Almaniyanın Reburq-Lokkum şəhərinin daş karxanasında 30 tonluq dinozavr qalıqları aşkar ediblər.
Sümükləri tapılan heyvan mamençizavr nəslinə aid edilir.
Heyvanın pəncəsinin uzunluğu 1.2 metrə, ayaq ləpirinin torpaqda dərinliyi isə 45 santimetrə çatır. Avropada bu tapıntıya ilk dəfədir ki, rast gəlinir. Əvvəllər bu cür heyvanlara Avrasiyanın şərqində rast gəlinib.
Ümumilikdə 90-a yaxın dinozavr qalıqları aşkar edilib və bu qalıqların yaşının təqribən 145 milyon il olduğu hesablanıb. İlk dəfə mamençizavr 1952-ci ildə Çində tapılıb.
Qeyd edək ki, bu heyvanlar elmə məlum olan dinozavrlar arasında ən uzun boyu olanlarıdır. Onların boylarının uzunluğu təqribən 15 metrə çatır.
