Mirmahmud Mirəlioğlu: “Susqunluqdan daha çox oxşama, uyğunlaşma var”; Fəzail Ağamalı: “Türkiyənin özü də məsələyə sanki dırnaqarası baxdı”
İyunun 2-də Almaniya Bundestaqında qondarma “erməni soyqırımı” haqqında qətnamənin qəbulu təkcə Türkiyəni yox, Azərbaycanı da ciddi narahat etdi. İctimaiyyət daxilində Almaniya qınaq obyektinə tuş gəldi, rəsmi Berlinin ünvanına sərt etirazlar müşahidə olundu. Amma bu etirazlar iki qardaş ölkədə qısa müddət çəkdi.
Qətnamənin qəbul edildiyi ilk günlərdən Almaniyanın Azərbaycandakı səfirliyinin önündə aksiyalar təşkil olunacağı, nümayəndəliyə etiraz məktublarının təqdim ediləcəyi gözlənilirdi. Amma bunların da heç biri baş vermədi. İyunun 14-də Milli Məclisin növbədənkənar iclasında alman bundestaqının qərarı bir daha gündəmə gətirilib. Parlament partiyalarının birgə Almaniya səfirliyinə etiraz məktubunun göndərilməsi təklifi səslənib. Amma təklifin üzərindən sükutla keçilib.
KXCP sədri Mirmahmud Mirəlioğlu ictimaiyyət arasında qətnamə ilə bağlı ciddi etirazları müşahidə etmədiyini söylədi: “Başqa ölkələrdə belə məsələlərə necə münasibət varsa, bizdə də belə oldu. Amma fərqli münasibəti partiyamız göstərdi. KXCP Almaniya-Türkiyə münasibətlərini ortaya qoyaraq, verdiyi bəyanatda bildirdi ki, müttəfiqinə öz mövqeyini bildirmək üçün 101 il vaxt lazımdır. Hər kəs özünəməxsus etirazını bildirdi. Oturuşmuş cəmiyyət olduğumuzdan məsələyə ayıq şəkildə baxırıq. Aparılan siyasətə uyğun cəmiyyətin münasibəti görünür.
Qəzetlər, siyasi partiyalarda müəyyən senzuralar qoyulur. Bu baxımdan cəmiyyətin bu məsələdə susqunluğu görünə bilər. Biz Türkiyə və Almaniya səfirliyinə müvafiq məktublarımızı göndərdik. Amma təəssüflər olsun ki, alman səfirliyindən olan cavab daha dolğun və başadüşülən idi, nəinki Türkiyə səfirliyinin münasibəti. Şükürlər olsun ki, komsomol fikirli bu şəxsi dəyişdilər. Azərbaycanın Türkiyə hökumətinin atdığı addımlara uyğun hərəkət etdiyini unutmaq olmaz. Bakı, sadəcə, rəsmi Ankaranın münasibətindən çıxış edir. Burada susqunluqdan daha çox oxşama, uyğunlaşma var”.
İqtidaryönlü deputat Fəzail Ağamalı bildirdi ki, ölkə başçısının Almaniya səfərində Bundestaqla bağlı görüşlərin proqramdan çıxarılması Azərbaycanın etirazının ciddi forması idi: “Prezident səviyyəsində bu məsələyə ciddi etiraz da olunub. Parlamentin 14 iyun iclasında deputatlardan mən və Qənirə Paşayeva məsələyə öz münasibətimizi bildirdik. Dostluq qrupunun Almaniya Bundestaqına etiraz məktubu göndərməsini təklif etdik. Qətnamə qəbul edildikdən sonra Azərbaycan cəmiyyətində etiraz oldu, amma istənilən şəkildə yox. Fəallıq geniş miqyas almadı, səfirlik qarşısında etirazlar olmadı. Bunu təqdir etmirəm. ”Erməni soyqırımı”nın Almaniya və digər bu kimi ölkələr tərəfindən qəbul edilməsi haqsız yanaşmadır. Olmayan bir hadisənin gündəmə gətirilməsidir. Bu, sadəcə, Türkiyəyə qarşı bir təhdiddir. Qardaş ölkənin nüfuzunun güclənməsindən ciddi narahat olaraq, münasibətlərini bu cür ifadə edirlər. Bunun arxasında heç şübhəsiz ki, Türkiyənin zəiflədilməsi planları durur. Bu zəifləmə Azərbaycanın maraqlarına cavab vermir. Hər zaman Türkiyənin güclü olmasını arzu edirik. Çünki problemlərimizin həllində daim türk qardaşlarımız yanımızda olublar. Bu gün də Azərbaycan Türkiyənin yanındadır. Ölkə başçısı iştirak etdiyi bütün tədbirlərdə, yüksək səviyyəli görüşlərdə Türkiyənin dövlət maraqlarını Azərbaycan kimi önə çəkib. Bu, cənab prezidentin siyasətinin tərkib hissəsidir”.
Deputat cəmiyyətin “erməni soyqırımı” ilə bağlı passivliyinə təəssüfləndiyini dilə gətirdi: “Cəmiyyətin bütün təbəqələri bununla bağlı etirazlarını ifadə etməli idilər. Əslində Türkiyənin özündə də bunlar ciddi etirazlarla müşahidə olunmadı. Sanki Türkiyənin özü də bu məsələyə dırnaqarası baxdı. Bu qətnamənin Türkiyəyə zərbə vuracağını düşünmürəm. Amma fəallığımızı qoruyub saxlamalıyıq. Prezidentin Almaniya səfərinin etirazların səngiməsinə səbəb olduğunu düşünmürəm. Ölkə başçısı səviyyəsində etiraz varsa, bu, cəmiyyətə bir mesajdır. Bu etiraza uyğun ictimaiyyət hərəkət edə bilərdi. Əslində bəzi siyasətçilər bunu etdilər. Amma müxalifət burada səsini yüksəltmədi. Bu da təəssüf doğurdu”.
Mirmahmud Mirəlioğlu: “Susqunluqdan daha çox oxşama, uyğunlaşma var”; Fəzail Ağamalı: “Türkiyənin özü də məsələyə sanki dırnaqarası baxdı”
İyunun 2-də Almaniya Bundestaqında qondarma “erməni soyqırımı” haqqında qətnamənin qəbulu təkcə Türkiyəni yox, Azərbaycanı da ciddi narahat etdi. İctimaiyyət daxilində Almaniya qınaq obyektinə tuş gəldi, rəsmi Berlinin ünvanına sərt etirazlar müşahidə olundu. Amma bu etirazlar iki qardaş ölkədə qısa müddət çəkdi.
Qətnamənin qəbul edildiyi ilk günlərdən Almaniyanın Azərbaycandakı səfirliyinin önündə aksiyalar təşkil olunacağı, nümayəndəliyə etiraz məktublarının təqdim ediləcəyi gözlənilirdi. Amma bunların da heç biri baş vermədi. İyunun 14-də Milli Məclisin növbədənkənar iclasında alman bundestaqının qərarı bir daha gündəmə gətirilib. Parlament partiyalarının birgə Almaniya səfirliyinə etiraz məktubunun göndərilməsi təklifi səslənib. Amma təklifin üzərindən sükutla keçilib.
KXCP sədri Mirmahmud Mirəlioğlu ictimaiyyət arasında qətnamə ilə bağlı ciddi etirazları müşahidə etmədiyini söylədi: “Başqa ölkələrdə belə məsələlərə necə münasibət varsa, bizdə də belə oldu. Amma fərqli münasibəti partiyamız göstərdi. KXCP Almaniya-Türkiyə münasibətlərini ortaya qoyaraq, verdiyi bəyanatda bildirdi ki, müttəfiqinə öz mövqeyini bildirmək üçün 101 il vaxt lazımdır. Hər kəs özünəməxsus etirazını bildirdi. Oturuşmuş cəmiyyət olduğumuzdan məsələyə ayıq şəkildə baxırıq. Aparılan siyasətə uyğun cəmiyyətin münasibəti görünür.
Qəzetlər, siyasi partiyalarda müəyyən senzuralar qoyulur. Bu baxımdan cəmiyyətin bu məsələdə susqunluğu görünə bilər. Biz Türkiyə və Almaniya səfirliyinə müvafiq məktublarımızı göndərdik. Amma təəssüflər olsun ki, alman səfirliyindən olan cavab daha dolğun və başadüşülən idi, nəinki Türkiyə səfirliyinin münasibəti. Şükürlər olsun ki, komsomol fikirli bu şəxsi dəyişdilər. Azərbaycanın Türkiyə hökumətinin atdığı addımlara uyğun hərəkət etdiyini unutmaq olmaz. Bakı, sadəcə, rəsmi Ankaranın münasibətindən çıxış edir. Burada susqunluqdan daha çox oxşama, uyğunlaşma var”.
İqtidaryönlü deputat Fəzail Ağamalı bildirdi ki, ölkə başçısının Almaniya səfərində Bundestaqla bağlı görüşlərin proqramdan çıxarılması Azərbaycanın etirazının ciddi forması idi: “Prezident səviyyəsində bu məsələyə ciddi etiraz da olunub. Parlamentin 14 iyun iclasında deputatlardan mən və Qənirə Paşayeva məsələyə öz münasibətimizi bildirdik. Dostluq qrupunun Almaniya Bundestaqına etiraz məktubu göndərməsini təklif etdik. Qətnamə qəbul edildikdən sonra Azərbaycan cəmiyyətində etiraz oldu, amma istənilən şəkildə yox. Fəallıq geniş miqyas almadı, səfirlik qarşısında etirazlar olmadı. Bunu təqdir etmirəm. ”Erməni soyqırımı”nın Almaniya və digər bu kimi ölkələr tərəfindən qəbul edilməsi haqsız yanaşmadır. Olmayan bir hadisənin gündəmə gətirilməsidir. Bu, sadəcə, Türkiyəyə qarşı bir təhdiddir. Qardaş ölkənin nüfuzunun güclənməsindən ciddi narahat olaraq, münasibətlərini bu cür ifadə edirlər. Bunun arxasında heç şübhəsiz ki, Türkiyənin zəiflədilməsi planları durur. Bu zəifləmə Azərbaycanın maraqlarına cavab vermir. Hər zaman Türkiyənin güclü olmasını arzu edirik. Çünki problemlərimizin həllində daim türk qardaşlarımız yanımızda olublar. Bu gün də Azərbaycan Türkiyənin yanındadır. Ölkə başçısı iştirak etdiyi bütün tədbirlərdə, yüksək səviyyəli görüşlərdə Türkiyənin dövlət maraqlarını Azərbaycan kimi önə çəkib. Bu, cənab prezidentin siyasətinin tərkib hissəsidir”.
Deputat cəmiyyətin “erməni soyqırımı” ilə bağlı passivliyinə təəssüfləndiyini dilə gətirdi: “Cəmiyyətin bütün təbəqələri bununla bağlı etirazlarını ifadə etməli idilər. Əslində Türkiyənin özündə də bunlar ciddi etirazlarla müşahidə olunmadı. Sanki Türkiyənin özü də bu məsələyə dırnaqarası baxdı. Bu qətnamənin Türkiyəyə zərbə vuracağını düşünmürəm. Amma fəallığımızı qoruyub saxlamalıyıq. Prezidentin Almaniya səfərinin etirazların səngiməsinə səbəb olduğunu düşünmürəm. Ölkə başçısı səviyyəsində etiraz varsa, bu, cəmiyyətə bir mesajdır. Bu etiraza uyğun ictimaiyyət hərəkət edə bilərdi. Əslində bəzi siyasətçilər bunu etdilər. Amma müxalifət burada səsini yüksəltmədi. Bu da təəssüf doğurdu”.
