Səudiyyə Ərəbistanının ev sahibliyi etdiyi 2023 FIFA Klublararası Dünya Çempionatının finalında “Fluminense”ni 4:0 hesabı ilə məğlub edən “Mançester Siti” çempion olub. İngiltərə komandası tarixində ilk dəfə olaraq bu kuboku öz muzeyinə aparıb.
Elchi.az xəbər verir ki, “Mançester Siti” Səudiyyə Ərəbistanının ev sahibliyi etdiyi 2023 FIFA Klublararası Dünya Çempionatının finalında “Fluminense”ni 4:0 hesabı ilə məğlub edərək çempion olub.
Turnirin finalında İngiltərə təmsilçisi “Mançester Siti” və Braziliyanın “Fluminense” komandası Ciddədəki “King Abdullah Sports City” stadionunda üz-üzə gəlib.
“Mançester Siti” oyunun 40-cı saniyəsində argentinalı ulduz Julian Alvarezin qolu ilə 1-0 önə keçdi.İngiltərə təmsilçisi 20-ci dəqiqədə Ninonun avtoqolu ilə ilk yarını 2-0 öndə bağladı.
İkinci hissədə oyunu nəzarətdə saxlayan İngiltərə yığması 72-ci dəqiqədə Fil Fodenin toru silkələməsi ilə fərqi 3-ə çatdırıb. İlk qolun sahibi olan Alvares 88-ci dəqiqədə daha bir qol vurdu və “Siti” rəqibini 4:0 hesabı ilə məğlub edərək turnirdə ilk dəfə kuboka yüksəldi.
Beləliklə, “Mançester Siti” 2023-cü ili Premyer Liqa, Çempionlar Liqası, İngiltərə Kuboku, UEFA Superkuboku və Klublararası Dünya Çempionatında qələbələrlə başa vurdu.
Misirin “Əl-Əhli” komandası Yaponiyanın “Urava Red Diamonds” komandasına 4:2 hesabı ilə qalib gələrək turniri üçüncü pillədə başa vurub.
Şahzadə Abdullah əl-Faysal stadionunda keçirilən qarşılaşmada Əl-Əhliyə qələbə qazandıran qollar 19-cu dəqiqədə Yaser İbrahim, 25-ci dəqiqədə Persi Tau, 60-cı dəqiqədə Yoşio Koizumi (avtoqol) və 90+8 olub. Dəqiqədə Əli Maalul fərqlənib. Maaloul 75-ci dəqiqədə penaltini qola bilməyib.
Yaponiya yığmasının heyətində 43-cü dəqiqədə Xose Kante, 54-cü dəqiqədə isə Aleksandr Şolz penaltidən fərqlənib.
Nuranə Məmmədova
