3 saylı İstintaq təcridxanasında oğlunun ziyarətinə gəlmiş ana qanunu pozmaq istədi
Məhbus anası corabının içində oğluna mobil telefon keçirmək istəyərkən yaxalandı.
ANS PRESS-in Ədliyyə Nazirliyinin Penitensiar xidmət İctimaiyyətlə əlaqələr şöbəsinə istinadən verdiyi məlumata görə, xidmət əməkdaşları tərəfindən həyata keçirilmiş axtarış-baxış tədbirləri nəticəsində 3 saylı İstintaq təcridxanasında saxlanılan, Allahverdi Qulu oğlu Sadıxovun yanına qısamüddətli görüşə gəlmiş anası, Xaçmaz rayon sakini Səyyarə Bayramxan qızı Sadıxovanın gətirdiyi sovqata və üzərinə baxış keçirilən zaman corabının içərisində gizlədilmiş, daxilində “Cin”danışıq kartı olan 1 ədəd Nokia markalı mobil telefon aparatı aşkar edilərək götürülüb.
Allahverdi Qulu oğlu Sadıxov Azərbaycan Respublikası Cinayət Məcəlləsinin 234.1 maddəsinə əsasən həbs edilib.
Fakt üzrə araşdırma aparılır.
ANS PRESS
