Bu ayın onunda Türkiyənin paytaxtı Ankarada törədilmiş terror aktını həyata keçirənlərdən ikincisinin robot rəsmi yayılıb.
Avropa.info xəbər verir ki, Türkiyənin baş prokurorluğu bir neçə gün bundan əvvəl terrorçulardan birinin adını açıqlamışdı.
Həmin şəxs Şanlıurfa vilayətinin Suruç rayonunda baş vermiş terror aktını həyata keçirən Abdurrahman Alagözün qardaşı Yunus Əmrə Alagöz idi.
Partlayışı həyata keçirən ikinci şəxsin kimliyi haqqında bundan əvvəl müxtəlif versiyalar irəli sürülsə də bu versiyalar öz təsdiqini tapmayıb.
Prokurorluq hadisə şahidlərinin ifadələri çərçivəsində ikinci şəxsin 30 yaşlarında qara və qıvrım saçlı, qara gözlü, 1,70 boylarında və təxminən 70-75 kq çəkidə olduğunu müəyyənləşdirib.
Onun həmçinin ərəb dilində boğuq səslə danışdığı bildirilir.
