Antalyanın Muratpaşa rayonunda butik oteldə baş verən yanğında 2 turist həyatını itirib, 10 nəfər yaralanıb.
Elchi.az xəbər verir ki, bu barədə Türk mediası məlumat yayıb.
Tarixi Kaleiçi səmtindəki Fikirçi küçəsindəki iki mərtəbəli butik oteldə tüstünün qalxması nəticəsində əraziyə xilasedicilər, polis, UMKE, AFAD və sağlamlıq qrupları yönəldilib.
Yanğınsöndürənlər qısa müddətdə yayılan alova müdaxilə edib.
Livanlı turistlər Dory Mhomma və Viviane Saad nəzarət altına alınan yanğında həyatını itirib. Norveç, Danimarka və Hollandiyalı turistlər və əcnəbilər də daxil olmaqla 10 nəfər yaralanıb.
Yaralılar 112 Təcili Tibbi Yardım qrupları tərəfindən Atatürk Dövlət Xəstəxanasına və özəl xəstəxanalara aparılıb.
Meyitlər Antalya Ədliyyə Tibb Təşkilatının meyitxanasına göndərilib.
Əsasən taxtadan olan və dar küçədə yerləşən oteldə yanğınsöndürənlər soyutma işlərini davam etdirir.
Nuranə Məmmədova
