Bu gecə Avro-2016-nın seçmə mərhələsində IV turun oyunları davam edəcək.
Millimizin yer aldığı H qrupu ilə yanaşı, A və B qruplarında da növbəti oyunlar keçiriləcək.
A qrupunda uğursuz çıxışı ilə diqqət çəkən Türkiyə millisi bu turda evdə Qazaxıstanla qarşılaşacaq. Fatih Terimin komandası bu görüşdə qalib gəlməklə seçmə mərhələdə ilk qələbəsini qazanmağa çalışacaq. Oyun Bakı vaxtı ilə saat 23:45-də başlayacaq.
Qrupun digər matçında Hollandiya yığması evdə Latviya ilə münasibətlərinə aydınlıq gətirəcək. Qrup liderləri Çexiya və İslandiya yığmaları Praqada üz-üzə gələcəklər. Bu görüşdə qələbə qazanacaq komanda liderliyini daha da möhkəmləndirəcək. Həmin matçın da start fiti Bakı vaxtı ilə saat 23:45-də veriləcək.
– See more at: http://axar.az/news/34941#sthash.svfTECgb.dpuf
