Avropa Birliyi ölkələri arasında İŞİD-ə qarşı aparılacaq mabarizə məsələsində narazılıqların olduğu üzə çıxıb.
Parisdə baş vermiş qanlı olaylardan sonra, Fransa parezidenti Fransua Ollandın İŞİD-ə müharibə elan etmək çağrışına Almaniyadan mənfi cavab gəlib.
Almaniya baş nazirinin müavini Siqmar Qabriel İŞİD-lə müharibəyə başlamaq çağrışının yalnız İŞİD -in xeyrinə işlədiyini iddia edib:
“Biz İŞİD-in dünyaya müharibə elan etdiyini görürük. Lakin, İŞİD-lə müharibədən danışmaq cəmiyyətimizdəki müharibə narahatlığını artırır. İŞİD-in hədəf seçdiyi, nail olmaq istədiyi də budur”.
Qabriel Parisdəki olaylara görə, Avropaya gələn qaçqın axınının dayandırılması çağrışlarına da etiraz edib.
“Paris olayları hər şeyi dəyişdirmir, indi daha çox bəşəriyyəti və insanları birlikdə qorumalıyıq.”
Qeyd edək ki, Paris faciəsindən sonra, Fransa Avropa Birliyinə müraciət edərək İŞİD-ə müharibə elan etməyə çağırmışdı.
