Ukrayna Avropa Birliyindən tələb edir ki… 
Avropa Komissiyasının prezidenti Joze Manuel Barozzu bildirib ki, Avropa Birliyinə daxil olan ölkələr Ukrayna məsələsinə görə Rusiyaya tətbiq olunacaq sanksiyaların daha da genişlənməsinə hazır olmalıdır. Musavat.com-un Avropa müxbiri yazır ki, bu barədə “ Ukrainian News Agency“ xəbər yayıb.
Cənab Borozu bu bəyanatı Belçikanın paytaxtı Brüsseldə Ukrayna prezidenti Pyotr Poroşenko ilə keçirdiyi birgə mətbuat konfransında verib.
Avropa Komissiyasının prezidenti həmçinin bildirib ki, o, ümid edir ki, hazırkı problemi siyasi və diplomatik vasitələrlə həll etmək mümkün olacaq.
Ukrayna prezidenti Pyotr Poroşenko isə bildirib ki, Rusiya Federasiyası Ukrayna ərazisinə öz qoşunlarını yeridib. Ukraynanın Avropa Birliyindən tələbi odur ki, bu hadisəyə müvafiq standartlar çərçivəsinə uyğun şəkildə münasibət bildirilsin.
