Avropa İttifaqı (Aİ) Şurasının bu gün dərc etdiyi “Avropa Şurası ilə 2023-2024-cü illər üçün əməkdaşlığın prioritetlərinə dair nəticələr” sənədinə əsasən, Ukrayna, Moldova və Gürcüstanın gələcəyi Avropa İttifaqındadır.
Elchi.az bu barədə News.am-a istinadən xəbər verir.
“Aİ-yə üzvlük perspektivi Avropada sabitliyin mühüm amilidir və Avropa Şurası onu gücləndirməkdə davam edir. 23 iyun 2022-ci ildə Avropa Şurası Ukrayna, Moldova və Gürcüstanın Avropa perspektivini tanıdı. Bu ölkələrin və onların vətəndaşlarının gələcəyi Avropa İttifaqındadır. Bu ölkələrdə və bütövlükdə regionda insan hüquqları, demokratiya və qanunun aliliyi sahəsində gələcək tərəqqiyə yeni təkan verir”, – deyə müraciətdə bildirilir.
Sənəddə deyilir ki, Aİ əsas institutların Avropa standartlarına uyğunlaşdırılmasında və potensialın artırılmasına dəstək verməkdə Qərbi Balkanlar və Şərq Tərəfdaşlığı ölkələrində islahatlar prosesində Avropa Şurasının mühüm rolunu tanıyır.
“Genişlənmə və qonşuluq regionlarında birgə proqramlarımız insan haqları, demokratiya və qanunun aliliyi sahəsində islahatların həyata keçirilməsi səylərini dəstəkləməyə davam edəcək”, – deyə müraciətdə qeyd edilib.
Yeganə
