Elchi.az xəbər verir ki, 2022-ci ildə Avropa siyasətində ifrat sağın yüksəlişinin anti-müsəlman (islamofobiya) hallarının da artmasına səbəb olduğu müəyyən edilib.
Brüsseldə yerləşən Avropada İslamofobiyaya Qarşı Kollektivin (CCIE) dərc etdiyi 2022-ci il hesabatında ötən il Fransa, İtaliya və İsveçdə keçirilən seçkilər nəticəsində ifrat sağçıların xeyli səs qazanması və millətçi diskursun hakim olması faktı, İslamofobiyanın yüksəlişinə.
Hesabatda Fransada ifrat sağçı namizəd Marin Le Penin Emmanuel Makronla qarşılaşdığı 2022-ci il seçkilərinin “ictimai arenada böyük islamofobik partlayış anı” təşkil etdiyi bildirilib.
Hesabatda İtaliyada keçirilən seçkilərin Giorgia Meloni-nin qələbəsi ilə Avropa Birliyinin (Aİ) qurucu ölkələrindən birinin ilk dəfə ifrat sağçılar tərəfindən idarə olunması ilə nəticələndiyinə də diqqət çəkilib. İsveçdə sağçı İsveç Demokratları ölkənin ikinci ən böyük partiyası oldu.
Hesabatda Ukrayna-Rusiya müharibəsi ilə başlayan qaçqın axınında “kəskin fərqlə” ukraynalılara imtiyazlar verdiyinə diqqət çəkilsə də, müsəlman qaçqınlara qarşı ayrı-seçkilik olduğuna diqqət çəkilib.
527 hadisə aşkar edilib
Avropada İslamofobiyanın tez-tez inkar edildiyi və əhəmiyyətsiz hala gətirildiyi vurğulanan hesabatda İslamofobiya ilə bağlı statistik məlumatlar ilə yerdəki faktlar arasında böyük uçurum olduğu vurğulanıb.
Məlumata görə, son bir ildə CCIE-yə 787 müraciət daxil olub və onlardan 527-nin islamofobiya faktı olduğu müəyyən edilib. Bunlara ayrı-seçkilik, təxribat, nifrət cinayətləri, təhqirlər, fiziki hücumlar və mənəvi təzyiq kimi hərəkətlər daxildir.
527 hadisədən 427-də qurbanlar qadın olduğu halda, bu hadisələrin 251-i ictimai, 186-sı isə özəl şirkətlərdə qeydə alınıb.
İslamofobiyanın yarandığı müxtəlif yerlər olsa da, məktəblər belə halların tez-tez baş verdiyi yerlər kimi qeydə alınıb. Müxtəlif dərəcəli məktəblərdə 115 hadisə baş verib, onlardan 83-ü qızların geyim seçiminə qarşı ayrı-seçkilik kimi müəyyən edilib.
AB Komissiyasının tənqidi
Hesabatda AB Komissiyasının antisemitizm koordinatorunu təyin edərkən İslamofobiyanın qarşısının alınması üçün eyni şeyi etməməsi tənqid edilib.
Hesabatda İslamofobiyanın struktur ölçüsünü nəzərə alaraq hərəkətə keçmənin bütün Avropa ölkələri kimi AB Komissiyasının da məsuliyyəti olduğu bildirilib.
Şayəstə
