Elchi.az xəbər verir ki, dekabrın 30-da Avropada qazın qiyməti 11% ucuzlaşaraq 1000 kubmetr üçün 850 dollardan aşağı düşüb. Bunu ICE London Fond Birjasının məlumatları sübut edir.
Açılış zamanı Hollandiyadakı TTF qovşağında yanvar fyuçerslərinin dəyəri min kubmetr üçün 925,2 dollar (-1,9%) səviyyəsində idi, lakin Moskva vaxtı ilə saat 14,49-a olan məlumata görə, qiymət artıq 839,3 dollara (-11%) düşüb).
Xatırladaq ki, bundan əvvəl KP.RU saytı neftin qiyməti ilə bağlı proqnoz dərc etmişdi. Bildirilib ki, neft hasilatı bu arada artmaqda davam edən Çin iqtisadiyyatı ilə əlaqədar növbəti on il üçün neft bazarının perspektivlərinə mütləq yenidən baxılacaq. Bundan əlavə, qeyd olunub ki, İran Səudiyyə Ərəbistanı və ABŞ ilə münaqişəsini davam etdirdiyi üçün Yaxın Şərqi də nəzərdən qaçırmaq olmaz, Suriyadakı vəziyyəti də unutmaq olmaz.
Şayəstə
