Prodüser Tarix Əliyev (Tolik) birlikdə çalışdığı xalq artisti Aygün Kazımova və küsülü olduğu müğənni Röya Ayxanla bağlı açıqlama verib.
Musavat.com xəbər verir ki, bu barədə prodüser Tolik (Tarix Əliyev) sosial şəbəkədəki səhifəsində yazıb:“Aygün və Röya şou-biznesin aparıcı qüvvələridir. Kim nə istəyir desin. “Ay mənim səsim hamıdan yaxşıdır”, “Mən beləyəm, mən eləyəm” sözlərinin xeyri yoxdur. Mən hələ ki, Aygün və Röyanın yanında 3-cü ad görmürəm. Və bunu əminliklə yazıram ki, yaxın 10 ildə heç kimi görmürəm. Siz nələrisə onsuz da təkrarlayırsız, amma yeni heç nə yoxdur, alınmır. Çünki ulduz olmaq hər adama nəsib olmayıb. Hələ özümü demirəm, 12 ildir ki, özümə bir rəqib görmürəm. Özlərini nə qədər ağıllı aparsalar da, prodüserlik sahəsində imzanı mən atmışam”.
