Faktiki olaraq, bu, Rusiya, Azərbaycan və Ermənistan liderlərinin imzaladığı üçtərəfli bəyanatına qarşı törədilmiş terror aktıdır.
Bunu rusiyalı hərbi ekspert, “Nasionalnaya oborona” jurnalının baş redaktoru İqor Korotçenko Daşaltıda törədilmiş terror aktı ilə bağlı danışarkən deyib.
“Ermənistan bu gün adekvat davranışa qadir deyil. Düşünürəm ki, bu, müəyyən dərəcədə aqoniyadır və rəsmi İrəvanın üçtərəfli bəyanatla öz üzərinə götürdüyü öhdəlikləri yerinə yetirə bilməməsinin göstəricisidir.
Bundan əlavə, terror aktının məqsədi yalnız öldürmək deyil, həm də Azərbaycan hərbçilərini, bəlkə də Rusiya sülhməramlılarını atəş açmağa təşviq etmək cəhdi idi. O zaman hər iki tərəf itki verə bilərdi. Bu halda Ermənistan həmin terrorçunu “Azərbaycan təxribatı”nın qurbanı kimi qələmə verəcəkdi. Bu, erməni təbliğat maşınının köhnə üsuludur”, – o bildirib.
