Hazırda Ermənistan elə bir vəziyyətdədir ki, heç kimdən kömək gözləməməlidir. Çünki heç bir dövlət İrəvana kömək etmək niyyətində deyil. Bizim bir yolumuz var – Bakı və Ankara ilə münasibətləri normallaşdırmaq. Bizə yalnız onlar kömək ola bilər.
Axar.az xəbər verir ki, bu sözləri erməni siyasətçi Araik Davtyan bildirib.
“Hazırda Ermənistan müharibə edəcək gücə malik deyil. İctimaiyyət də bunu çox gözəl başa düşür. Paşinyanın hakimiyyətdə qalma səbəbi də məhz budur. Erməni xalqının Paşinyandan zəhləsi getsə belə, təkrar seçki keçirilsə, yenidən ona səs verəcək. Çünki hamı kimi Nikol da müharibə olacağı təqdirdə Ermənistanın aqibətini çox gözəl anlayır. Bakı 44 günə ermənilərin şüurunu dəyişə bildi. Artıq Ermənistanda hamı başını aşağı salıb sakitcə yaşamaq istəyir. Artıq erməni analar oğullarını əsgərliyə belə göndərmək istəmir”, – Davtyan bildirib.
