Azərbaycan Dövlət Neft Fondunun (ARDNF) aktivləri bu ilin iyul ayı ərzində təxminən 185 mln. ABŞ dolları dəyərində dəyərdən düşüb.
Qeyd edək ki, iyulun 1-nə Fondun ehtiyatları 35 726,2 mln. dollar ekvivalentində olub.
“Report”un analitik qrupu xəbər verir ki, hesabat ayında ARDNF-nin avroda olan aktivləri məzənnə dəyişikliyindən (dollar ekvivalentində) 68 mln. dollar azalıb.
Bundan başqa, analoji səbəbdən Avstraliya dollarına yatırılan investisiyalar 12 mln. dollar, Türkiyə lirəsinə – 1,5 mln. dollar, Rusiya rubluna – 54 mln. dollar, Koreya vonuna investisiyalar isə 17,5 mln. dollar dəyərində zərər yetirib.
Eyni zamanda, Fondun qızıla yatırdığı sərmayələr iyul ayı nəticəsində dünya bazarında müşahidə olunan ucuzlaşma səbəbindən 86 mln. dollar dəyərdən düşüb.
