“Azərbaycanın belə möhtəşəm tədbirə ev sahibliyi etməsi ölkəmizin bütün sahələrdəki inkişafının göstəricisidir”.
AİM.az xəbər verir ki, Azərbaycan gənclər təşkilatlarının bir qrup təmsilçiləri Avropa İttifaqının Azərbaycandakı nümayəndəliyi, eləcə də Böyük Britaniyanın səfirliyi qarşısında Avropa Parlamentində Azərbaycanla bağlı dinləmələrin keçirilməsinə etiraz əlaməti olaraq etiraz aksiyası keçiriblər.
Bu barədə AİM.az-a Demokratik Azərbaycan Naminə İctimai Birlinin sədri Elməddin Behbud Avropa Parlamentində Azərbaycanla bağlı dinləmələrin keçirilməsinə etiraz əlaməti olaraq baş tutan aksiyadan sonra bildirib. Onun sözlərinə görə, Azərbaycan idmanı sülhün, həmrəyliyin, mədəniyyətin və inkişafın nümunəsi kimi qəbul edir:
“Təssüflər olsun, bir çox məsələlərdə olduğu kimi Azərbaycan bu işlərdə də ikili standartlarla üzləşdi. Ölkəmizin qısa müddət ərzində oyunlara yüksək səviyyədə hazırlaşa bilməyəcəyini güman edənlər yanıldıqlarını görüb, ölkəmizə qarşı qarayaxma kampaniyasına start verdilər. Şübhəsiz ki, onların sırasında ABŞ və Avropa institutları öncüllük təşkil edir. Bura toplaşan Azərbaycan gəncliyi Avropa institutları və onların arxasında dayanan qüvələrə etirazını bildirir. Avropa oyunlarının siyasiləşilməsinə qarşı çıxırıq. Dünaynı ölkəmizin uğurlarını həzm etməyə və ədalətli davranmağa dəvət edirik”.
AİM.AZ
