“2022-ci il Azərbaycan-İtaliya münasibətlərində xüsusi önəm kəsb edir. Bu gün biz diplomatik münasibətlərimizin təsis edilməsinin 30 illiyini qeyd edirik”.
Elchi.az xəbər verir ki, bunu Azərbaycanın xarici işlər naziri Ceyhun Bayramov İtaliyanın xarici işlər naziri Luici Di Maio ilə birgə mətbuat konfransında deyib.
Nazir bildirib ki, Prezident İlham Əliyevin İtaliyaya rəsmi səfəri çərçivəsində çox ölçülü münasibətlərin gücləndirilməsi ilə bağlı birgə bəyanat mühüm əhəmiyyət kəsb edir: “Bu gün biz həmin sənədə uyğun olaraq Strateji Dialoqun birinci iclasını keçirdik. Azərbaycan-İtaliya münasibətlərini dostluq münasibətləri adlandıra bilərik. Münasibətlərimiz strateji əməkdaşlıq səviyyəsinə yüksəlib”.
