Rəsmi Bakı Rusiyadan yeni silah tədarükü üzrə danışıqlar aparır.
Bu barədə “RİA Novosti”yə Azərbaycan prezidenti İlham Əliyev bildirib.
“Bəli, biz yeni silahların alınması ilə bağlı danışıqlar aparırıq. Rusiyanın hərbi sənayesinin necə inkişaf etdiyini siz yaxşı bilirsiniz. Biz ilk növbədə ən müasir müdafiə silahları ilə maraqlanırıq. Bu da ilk növbədə vertolyotlar və müdafiə sistemlərinə aiddir. Bu daimi prosesdir”,-deyə prezident qeyd edib.
Onun sözlərinə görə, müdafiə sahəsində Azərbaycanla Rusiya arasındakı yeni müqavilələrin imzalanması üçün perspektivlər yaxşıdır:
“Siz tarixi bilrisiniz. Rəqəmlər açıqlanıb. 5 milyard dollar həcmində müqavilələr imzalanıb. Onların əksəriyyəti artıq həyata keçirilib”.
