Son günlər Rusiyanin birinci kanalında yayımlanan Azərbaycan əleyhinə reportajdan sonra Azərbaycan üzərinə dünya mediasında basqilar artıb. Elə bu səbəbdən Sosial şəbəkələrin Azərbaycan seqmentində də qızğın müzakirələr başlayıb. Məsələnin neqativ tərəfi odur ki, müssioner təşkilatların azərbaycanlı nümayəndələri də vəziyyətdən sui-istifadə edərək manipulyativ şərlər üzərindən cəmiyyəti çaşdırmaqla məşğuldur.
Elchi.az politoloq Zaur Məmmədovun sosial şəbəkə hesabında paylaşdığı məsələyə baxışını müzakirəçilərə cavab kimi dəyərləndirərək təqdim edir.
Son günlər Minsk qrupunun hər üç üzvü, o cümlədən bəzi regional dövlətlərin ictimai adamları, millət vəkilləri, rəsmiləri və mediası tərəfindən Azərbaycana qarşı davamlı olaraq təbliğat aparıldığının şahidiyik. Bu kontekstdə həm Qərb, həm Rusiya, həm də İran ciddi şəkildə Azərbaycana pressinq edərək hansısa maraqlarının Bakı tərəfindən qəbul olunmasını istəyirlər. Dünənlərdə bu təbliğata BBC’nin də qoşulması və daxilimizdə bəzi “siyasi fəalların” adı şəkilən “xəbər carçısı”na Bakını tənqid edən şərhlər vermələri, sözsüz ki, birmənalı qarşılana bilinməz.
Rusiya, İran, Fransa kanallarında , o cümlədən BBC’də gedən sujetə, o cümlədən Parisin noyabrın ortasında Azərbaycana qarşı qətnamə qəbul etmək fikrində olması və bütün digər məqamlara baxmayaraq – sonda Bakının istədiyi olacaq.
Azərbaycan- Ermənistan arasında danışıqlara müdaxilə edən və əldə edilən razılıqların icrasının qarşısını almaq istəyən, razılaşdırılmış sülh müqaviləsinin qaralamasını yayan müəyyən dövlətlər öz məqsədlərinə çatmayacaqlar.
Sevilay Həzi
