2016 və 2017-ci illərdə Dağıstan yaxınlığında 6,5 bal gücündə zəlzələ gözlənilir.
“Report”un “RİA Novosti”yə istinadən verdiyi xəbərə görə, bu barədə Rusiya Elmlər Akademiyasının Yer Fizikası İnstitutunun direktor müavini Yevgeni Roqojin bildirib.
“Proqnoz Şərqi Qafqaz üzrədir. Bu, Azərbaycanla Dağıstan sərhəddidir. Zəlzələ ya bu il, ya da gələn il ola bilər. Bizim proqnoza görə, zəlzələnin maqnitudası 6-6,5 bal olacaq, bu da 7-8 bal deməkdir”, – deyə Y.Roqojin söyləyib.
Onun sözlərinə görə, Rusiya FHN artıq xəbərdardır və yerli hakimiyyətin təkanlara tab gətirməyəcək binaları bərkitmək üçün hələlik zamanı var.
