Azərbaycanla müdafiə əlaqələrimiz hər iki xalqın təhlükəsizliyinə töhfə verir – İsrailin müdafiə naziri

Azərbaycanla müdafiə əlaqələrimiz hər iki xalqın təhlükəsizliyinə, eləcə də regional sülh və sabitliyə töhfə verir.
Elchi.az-ın məlumatına görə, bunu İsrailin müdafiə naziri Yoav Qallant tviterdə yazıb.
“Azərbaycana səfər çərçivəsində bir sıra sahələrdə əməkdaşlıq etməklə yanaşı, güclü əlaqələr və möhkəm dostluğu daha da dərinləşdirmək istiqamətində razılıq əldə olunub”, – nazir yazıb.
Qeyd edək ki, iyulun 13-ü Bakıya gələn Y.Qallant Prezident İlham Əliyev tərəfindən qəbul edilib. O, eyni zamanda Müdafiə naziri general-polkovnik Zakir Həsənov, Dövlət Sərhəd Xidmətinin rəisi general-polkovnik Elçin Quliyev tərəfindən qəbul edilib, müzakirələr aparılıb. Səfər başa çatıb.